ଟିଟିଲାଗଡ଼ ରୁ ଓଡିଶା ବିୟୌର ମୁଖ୍ୟ ସନ୍ତୋଷ କୁମାର ପଟ୍ଟନାୟକ ଙ୍କ ରିପୋର୍ଟ ଶ୍ରୀ କ୍ଷେତ୍ର ଲାଇଭ
ଟିଟିଲାଗଡ଼, ଉତ୍କଳ ପ୍ରାଦେଶିକ ମାରୱାଡ଼ୀ ସମ୍ମିଳନୀ, ଟିଟିଲାଗଡ଼ ଶାଖାର ବର୍ଷ ୨୦୨୬–୨୦୨୮ କାର୍ଯ୍ୟକାଳ ପାଇଁ ନବଗଠିତ କାର୍ଯ୍ୟକାରିଣୀର ଶପଥ ଗ୍ରହଣ ସମାରୋହ ଏବଂ ସମାଜର ମେଧାବୀ ଛାତ୍ରଛାତ୍ରୀଙ୍କୁ ସମ୍ମାନ ପ୍ରଦାନ ଅବସର ଶ୍ରୀ ମହାବୀର ପଞ୍ଚାୟତୀ ଧର୍ମଶାଳା, ଟିଟିଲାଗଡ଼ରେ ଅତ୍ୟନ୍ତ ଆଡମ୍ବରପୂର୍ଣ୍ଣ ଓ ଗରିମାମୟ ପରିବେଶରେ ଅନୁଷ୍ଠିତ ହୋଇଯାଇଛି।
ଏହି ସମାରୋହରେ ଟିଟିଲାଗଡ଼ ବିଧାୟକ ଶ୍ରୀ ନବୀନ ଜୈନ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଉତ୍କଳ ପ୍ରାଦେଶିକ ମାରୱାଡ଼ୀ ସମ୍ମିଳନୀ, ଓଡ଼ିଶାର ପ୍ରଦେଶ ଅଧ୍ୟକ୍ଷ ଡ଼. ସୁଭାଷ ଅଗ୍ରୱାଲ ସମ୍ମାନିତ ଅତିଥି ଭାବେ ଉପସ୍ଥିତ ରହିଥିଲେ। ପୂର୍ବତନ ରାଜ୍ୟ ଅଧ୍ୟକ୍ଷ (IPP) ଶ୍ରୀ ଦିନେଶ ଅଗ୍ରୱାଲ ମୁଖ୍ୟ ବକ୍ତା ଭାବେ ସମାଜର ଏକତା, ସେବା ଓ ସଂଗଠନର ସୁଦୃଢ଼ତା ଉପରେ ପ୍ରେରଣାଦାୟକ ଉଦ୍ବୋଧନ ଦେଇଥିଲେ।
ମଞ୍ଚାସୀନ ଅତିଥିମାନଙ୍କ ମଧ୍ୟରେ ପୂର୍ବତନ ଶାଖା ଅଧ୍ୟକ୍ଷ (IPP) ଶ୍ରୀ ରାଜେଶ ଅଗ୍ରୱାଲ, ଶାଖା ସଭାପତି ଶ୍ରୀ ବିନୋଦ ମରୋଡ଼ିଆ, ସଚିବ ଶ୍ରୀ ଗୋପାଳ ତିବ୍ରେୱାଲ, ଶ୍ରୀ ସତ୍ୟନାରାୟଣ ଗୁପ୍ତା, ଶ୍ରୀ ପ୍ରକାଶ ଗୋୟଲ ଓ କେସିଙ୍ଗା ଶାଖାର ସଭାପତି ଶ୍ରୀ ଶ୍ୟାମ ସୁନ୍ଦର ଅଗ୍ରୱାଲ ଉପସ୍ଥିତ ରହିଥିଲେ।
ସମାଜର ମେଧାବୀ ଛାତ୍ରଛାତ୍ରୀମାନଙ୍କୁ ସେମାନଙ୍କର ଉଲ୍ଲେଖନୀୟ ଶିକ୍ଷାଗତ ସଫଳତା ପାଇଁ ପୁଷ୍ପଗୁଚ୍ଛ ଓ ସ୍ମାରକ ପ୍ରଦାନ କରି ସମ୍ମାନିତ କରାଯାଇଥିଲା। ପରେ ୨୦୨୬–୨୦୨୮ କାର୍ଯ୍ୟକାଳ ପାଇଁ ନବନିର୍ବାଚିତ କାର୍ଯ୍ୟକାରିଣୀର ସଦସ୍ୟମାନେ ସମାଜସେବା, ସଂଗଠନର ଏକତା ଓ ବିକାଶ ପାଇଁ ନିଷ୍ଠାର ସହ କାର୍ଯ୍ୟ କରିବାର ଶପଥ ଗ୍ରହଣ କରିଥିଲେ।
ନବଗଠିତ କାର୍ଯ୍ୟକାରିଣୀରେ ସଭାପତି ଭାବେ ଶ୍ରୀ ବିନୋଦ ମରୋଡ଼ିଆ, ପୂର୍ବତନ ସଭାପତି (IPP) ଶ୍ରୀ ରାଜେଶ ଅଗ୍ରୱାଲ, ଉପସଭାପତି ଭାବେ ଶ୍ରୀ ଯୁଗଳ କିଶୋର ଗୋୟଙ୍କା, ଶ୍ରୀ ସୂରଜମଲ ସୋନୀ ଓ ଶ୍ରୀ ଦୀପକ ଗୋୟଲ, ସଚିବ ଭାବେ ଶ୍ରୀ ଗୋପାଳ ତିବ୍ରେୱାଲ, ସହ-ସଚିବ ଭାବେ ଶ୍ରୀ ଓମ ପ୍ରକାଶ କନୋଡ଼ିଆ, ଶ୍ରୀ ମାନସାରାମ ଅଗ୍ରୱାଲ ଓ ଶ୍ରୀ ନିରଞ୍ଜନ ଶର୍ମା, କୋଷାଧ୍ୟକ୍ଷ ଭାବେ ଶ୍ରୀ ରାଜୀବ ଜୈନ ଦାୟିତ୍ୱ ଗ୍ରହଣ କରିଥିଲେ। ଏହା ସହ ବହୁ କାର୍ଯ୍ୟକାରିଣୀ ସଦସ୍ୟ ମଧ୍ୟ ଶପଥ ଗ୍ରହଣ କରିଥିଲେ।
ସମାରୋହରେ ବହୁ ସଂଖ୍ୟକ ସମାଜ ବନ୍ଧୁ, ମହିଳା, ଯୁବବର୍ଗ ଏବଂ ବିଶିଷ୍ଟ ନାଗରିକମାନେ ଯୋଗଦେଇ ନବଗଠିତ କାର୍ଯ୍ୟକାରିଣୀକୁ ଶୁଭେଚ୍ଛା ଜଣାଇଥିଲେ। ସଂଗଠନର ଉତ୍ତରୋତ୍ତର ପ୍ରଗତି ଓ ସମାଜସେବାରେ ସଫଳତା କାମନା କରାଯାଇଥିଲା। ଶେଷରେ ସମସ୍ତ ଅତିଥି ଓ ସମାଜବନ୍ଧୁଙ୍କ ପାଇଁ ସୌହାର୍ଦ୍ଦପୂର୍ଣ୍ଣ ପରିବେଶରେ ରାତ୍ରିଭୋଜର ଆୟୋଜନ କରାଯାଇଥିଲା
